photo from VIRGIN SUICIDES (a film by Sofia Coppola)

sana'y dumating na mga umagang mahinahon at payapa.  na sana'y wala ng bagabag sa damdamin sa pagmulat ng aking mga mata.  na sana'y sumapit na rin ang mga gabing tahimik at maginhawa.  at sa pagkahimbing, mga bangungot sana ay wala na.

sana'y mawala na ang sakit na kumakapit sa puso.  at sana'y mabura na ang nagdagtang pait na dulot nito.  sana'y humupa na ang lungkot na nagbaha sa aking mga mata.  at tumigil na rin ang pagbuhos ng ulan-ulang luha.

sana'y makahinga na ako ng malalim.  at sana'y hindi na magupo ng kahinaan at panimdim.  sana'y huminto muna kahit saglit ang kabaliwan ko dahil hindi naman maititigil ang pag-ikot ng mundo.  sana'y manumbalik na muli ang mga nakasanayan kong ngiti.  kahit at kesyo pa nandiyan ka o hindi.