ECHOES; art by John Russell

lahat ng ikilos ko at hindi ko gawin

lahat ng gusto kong kalimutan at hindi isipin

lahat ng paniwalaan kong gusto kong burahin

repleksyong tinatapong pabalik sa salamin

lahat ng ayaw ko nang maramdaman

lahat ng maaaring gusto ko nang iwasan

lahat ng mantsa ng aking kahibangan

aninong sumusunod sa akin sa kung saan

lahat sa guni-guning ayaw ko nang dinggin

lahat ng mga salitang walang kabig-sabihin

lahat ng napiping sigaw sa damdamin

walang-humpay na bumabalik sa iyo at sa akin.