Entry: pangkasalukuyang masokismo Thursday, March 08, 2007



 

sa ngayon --

dadamahin ko muna nang lubos

ang sakit ng wala ka na

hahayaan ko munang maubos

ang pagpatak nitong luha

kahit naman magtago at hindi magpakita

pinupuno rin ng unos

ang puso ko at ang diwa.

magpapatangay ako sa agos

ng malupit na tadhana

di minsan nang dumausdos

isang baliw, isang tanga

malayo naman akong malagutan ng hininga.

 

 

nanamnamin ko muna ng husto

ang lamig ng iyong pamamaalam

ang pagbitak ng puso ko

gusto ko munang masaksihan.

magpapakalunod muna ako

ngayon sa aking kabaliwan

hahayaan muna ang mundo

mapuno ng lugmok at kalungkutan

kakayanin ko muna ang ganito

hanggang wala nang maramdaman

baka bukas, paggising ko

napagod na ako ng tuluyan.

 

 

 

 

 

 

 
   2 comments

toi
April 26, 2007   06:55 PM PDT
 
hanggang sa muli, ls:)
ls
April 25, 2007   06:53 AM PDT
 
ramdam ramdam ko ang taglay mong pambihira halika kapit ka sa kamay ko habang malakas ako at payapa kapit ka ng mahigpit pupunta tayo sa tindihan ni aleng nina at bibili ng rhum at pansit cantoon sagot mo ang sigarilyo saka tayo magkwentuhan ng kung anu-ano lang at sa pagtatapos ng ating inuman saka tayo umiyak at magpaalam sa isat isa magyayakap ng mahigpit na mahigpit at magsasabing "hanggang sa muli.."

Leave a Comment:

Name


Homepage (optional)


Comments