madalas

itinutulog ko na lang ang lungkot

at iniiidlip ang pangungulila

dahil

nais kong mamasyal muna sa panaginip

at makatakas sa mga luha

ngunit

sadyang kay haba ng araw

at nabibitin na lamang ang magdamag

kung

dadayain ko naman ang kamalayan

at lalaboy sa daigdig ng gunam-gunam

malamang

walang pinagkaiba sa realidad--

ikaw pa din ang mamamahay sa aking balintataw

madalas

hindi ko rin lubusan maintindihan.  kung bakit nais ko mang umalis at magpakalayo-layo ay natatagpuan ko ang sariling namamasyal sa iyong mga alaala o dili naman ay natatagpuan ka ng aking mga mata kahit saan pa ako tumitig o tumulala.

ang obrang ito ay gawa ni mareng Elaine. 

saksihan ang mundo niya sa xanga.com/ilovehoney07

kuhang-kuha ng tulang ito ang buod ng ilan sa mga giyera ng puso ko. 

salamat at maraming akap para sa iyo, mareJ ::