kung mag-isa ako ay huwag nang isipin

sa dilim ay dapat pa akong hanapin

habang may luha ay huwag pang ibigin

sa pangarap ko ay huwag nang gisingin

kaya kong maghintay sa mga tula mo

makinig sa awit mula sa kabilang dako

at sa paglalakad sa lilim ng mga puno

matutuklasan ang laman ng pusong malayo

:: mga salita ni Maningning Miclat ::

I just can't look; it's killing me and taking control.

- words from the song mr. brightside from the killers - 

"i have seen, i have been to places far and deep

in my mind; only to find comfort in your strangeness..."

words by Cynthia Alexander 

ano kaya ang magiging reaksyon mo pagdating ko?  hindi ko rin siguro maipipinta ang mukha ko sa magkahalong tuwa at pananabik at kampanteng mararamdaman ko kapag lumapag na ang eroplano sa mga lupa mo.  matagal-tagal rin tayong hindi nagkita.  at talaga namang sobrang na-miss kita.  palagian kitang hinahanap-hanap at nagpupumilit akong maglakbay sa iyong mga lugar kahit pa sa isip lang at mapupuno sigurado ako ng tuwa kapag nakita na kita.  haay, Pinas.  nakakabaliw pala ang wala ka.

mahigit isang taon na rin noong huli kitang nasilayan.  alam ko at maiintindihan ko kung mayroon kang naiwang pagtatampo sa akin.  dahil nasabi ko naman dati pang hinding-hindi kita iiwanan.  batid mong mahal na mahal kita at ikaw ang bukang-bibig ko kaninuman na pinaka-astig sa kahit anumang bayan, lugar o bansa.  alam na alam mo namang dati ko pang ipinagsisigawan sa madlang tao, kahit mapunta man ako sa dulo ng mundo, wala na akong makikitang kagaya mo.

nag-iisa ka lang, Pinas at kaya nga mahal kita.  alam kong hindi biro iyong kantang inihahambing ka sa isang mahirap na iwanang dalaga. ikaw ang Pinas na ipinagmamalaki ko kahit saan ako mapunta.  ikaw yung binabalikang-ulit at nakakaloka.  ikaw ang larawan ng magagandang tanawin at masasayang alaala.  ikaw ang kanlungan ng kaluluwa ko at ng aking diwa.  nananabik na akong makita kang muli.  maglakbay sa bawat mong sulok, mawala sumandali.  mawala sa iyong mga madla, matagpuan ang sarili.  kinasasabikan kong maramdaman ang init ng iyong kandili.  magtampisaw sa pag-ibig at ulan ng mga ngiti.  baybayin ang mundo mong mahiwaga at katangi-tangi.

nandyan na ako, Pinas.  ilang tulog na lang at parang ayaw ko na yatang humimbing pa.  umaapaw na ang puso ko sa sabik at sa tuwa.  sa wakas ay makikita na ulit kita. J nanamnamin itong ligalig na aking nadarama.

www.leslieemery.com

art from www.caitlinschwerin.com

I feel so dispensable.

sana makita mo na siya.

para akong tanga pero mas kinasasabikan ko pa yata ang araw na makikita mo siya.  tae diba.  dahil pakiwari ko hindi ko na mahihintay pa yung panahong magkikita kayong muli.  napupuno ako ng pangamba at pag-aatubili pero hindi na rin ako mapakali.  hindi na nga ako makatulog at minsanan napapanaginipan ko na sa gabi.  iyong araw na makikita mo na siya uli, matapos ng nabinbing mga sandali.

sana makita mo na siya.

para maging okay at steady ka na.  para hindi ka na maguluhan.  para ikaw ay pumayapa.  na sana pag nakita mo na siya, makampante ka na.  maging mahinahon, maging tahimik, alam kong doon ka naman nasasabik.  iyong makasama mo siya kahit na tahimik.  tapos kahit sandali o magdamagan, hindi ka magkakaroon ng kahit anong alinlangan.  maaari na munang huminto o bumagal ang mundo kung gusto mo.  dahil hindi mo mararamdamang kailangan mo pang lumayo.

sana magkita na kayo.

para maging okay na rin ako.  nag-iipon na ako ng lakas ng loob para dito.  baka atakihin ako sa puso.  hindi naman malayong masaktan ako.  pero wala kang dapat alalahaning kahit ano.  hindi naman tayo.  siya pa rin naman ang mahal mo, hindi ko alam, ewan ko.  marami nga sigurong nagbabago sa bawat segundo.  nasisiraan na nga ako ng ulo.  pero sana magkita na kayo.  pangako, hindi ako manggugulo.  dahil baka hindi ko kayo kayang makita, lalayo na lang ako.

huwag kang magtataka

kung bakit tulad ng ulan

ay bumubuhos ako ng salita

mayroong kapangyarihan

ang katahimikan mong dala

na pilit kong nilalabanan

sa pamamagitan ng mga tula.

huwag mo sanang masamain

kung 'di mapilit intindihin

ang giyera ng damdamin ko

mas matindi pa sa bagyo.

huwag mo sanang tanungin

hindi ko rin sasagutin

babalikan kita ng ngiti

huwag lang mabasa o mahuli

ang aking pag-aatubili

inililihim ko ng matindi 

habambuhay na sana ang sandali

na nariyan ka sa aking tabi…